بارسێلۆنا
رووداو دیجیتاڵ
یانەی بارسێلۆنا دەیەوێت بگەڕێتەوە پێشەنگی ریزبەندی لالیگا، کاتێک لە دەرەوەی یاریگەی خۆی بەرامبەر یانەی سێڤییا یاری دەکات.
لە درێژەی یارییەکانی گەڕی هەشتەمی خولەکەدا، ئەمڕۆ ئێوارە کاژێر 17:15 یانەی بارسێلۆنا لە دەرەوەی یاریگەی خۆی بەرامبەر سێڤییا یاریی دەکات و دوای بردنەوەی ریال مەدرید لە ڤیاریال، یانەکە پێویستی بەبردنەوەیە بۆ ئەوەی جارێکی دیکە بچێتەوە پلەی یەکەمی ریزبەندی خولەکە.
لە یارییەکەی ئەمڕۆدا لامین یامال، رافینیا، خوان گارسیا، فێرمین لۆپێز، گاڤی و ئاندرێ تێرشتیگن بەهۆی پێکانەوە ئامادەنابن، بەڵام لەگەڵ ئەوەشدا بارسا چاوی لە بردنەوەیەکی دیکەیە.
سێڤییا لە 7 گەڕی رابردوودا سێ بردنەوەی هەیە سێ یاریی دۆڕاندووە و لە یارییەکدا یەکسانبووە، یانەکە لە 10 یاریی رابردوودا لە بارسێلۆنای نەبردووەتەوە و دوایین بردنەوەی بەرامبەر ئەو یانەیە یاریی چوونی قۆناخی پێشکۆتایی جامی شا بووە لە 2020-2021.
بارسێلۆنا تاوەکو ئێستا لەم وەرزەی لالیگادا هیچ یارییەکی نەدۆڕاندووە، شەش بردنەوە و یەکسانبوونێکی هەیە و بەبردنەوەی یارییەکەی ئەمڕۆ یانەکە دەگەڕێتەوە پیشەنگی ریزبەندی لالیگا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ