رووداو دیجیتاڵ
دوای بردنەوەی یەکەم یاریی لە چامپیۆنزلیگدا و سەرکەوتنیان بەرامبەر مارسیلیا، یانەی ریال مەدرید دەگەڕێتەوە نێو رکابەرییەکانی لالیگا و دەیەوێت پێنجەم بردنەوەی لەسەریەک تۆماربکات.
ئەمڕۆ ئێوارە کاژێر 17:15 لە رکابەرییەکانی گەڕی پێنجەمی لالیگادا، ریال مەدریدی پێشەنگی ریزبەندی خولەکە لەنێو یاریگە و هاندەرانیدا بەرامبەر یانەی ئیسپانیۆل یاری دەکات و یانەکە دەیەوێت پێنجەم بردنەوەی لەسەریەک تۆماربکات و شوێنی خۆی لە پلەی یەکەمی ریزبەندی خولەکە بەهێزتر بکات.
رۆژی هەینی یانەی شاهانە دوایین مەشق و ئامادەکارییەکانی بۆ یارییەکە ئەنجامدا، جود بێلینگهام و ئێندریک بەتەواوی ئامادەن بۆ ئەوەی چابی ئەلۆنسۆ لە پلانەکانی پشتیان پێببەستێت و یارییان پێ بکات.
دین هاوسن بەهۆی کارتی سوور، ئەلیسکاندەر ئارنۆڵد، ئەنتۆنیۆ رۆدیگێر و فێرلان مێندی بەهۆی پێکانەوە بەشداری لە یارییەکەدا ناکەن.
ئیسپانیۆل لە چوار گەڕی رابردووی لالیگا بە ئاستێکی بەرزەوە دەرکەوتووە، 3 بردنەوە و یەکسانبوونێکی هەیە و هیچ یارییەکی نەدۆڕاندووە، یانەکە دوایین یاریی خۆی بەرامبەر ریال مەدرید بردووەتەوە و دەیەوێت ئەمڕۆش بە ئاستێکی بەرزەوە دەربکەوێت و ئەنجامێکی باش لە دەرەوەی یاریگەی خۆی بەدەستبهێنێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ