رووداو دیجیتاڵ
سەرۆکی هەرێمی کوردستان لە پەراوێزی کۆنفرانسی ئاسایشی میونشن لە ئەڵمانیا لەگەڵ سەرۆکوەزیران و وەزیری بەرگریی هۆڵەندا کۆبووەوە و دەڵێت، "تاوتوێی زیاتر بەهێزکردنی هاوئاهەنگیی دوولایەنەمان کرد و بیروڕامان لەسەر پێشهاتە هەرێمییەکان ئاڵوگۆڕ کرد." سەرۆکوەزیرانی هۆڵەنداش جەختی لەوە کردووەتەوە، وڵاتەکەی "بە بایەخەوە لە پەیوەندییەکانیان لەگەڵ هەرێمی کوردستان دەڕوانێت."
بهيانيى ئەمڕۆ شەممە 14-02-2026 لە چوارچێوەی كارنامهكهيدا له کۆنفرانسی ئاسایشی میونشن، نێچیرڤان بارزانی، سەرۆکی هەرێمی کوردستان لەگەڵ دیک شۆف، سەرۆکوەزیران و رووبن برێکەلمانس، وەزیری بەرگریی هۆڵەندا کۆبووەوە.
سەرۆکی هەرێمی کوردستان لە هەژماری فەرمیی خۆی لە تۆڕی کۆمەڵایەتیی ئێکس نووسیویەتی، "خۆشحاڵ بووم بە دیداری دیک شۆف، سەرۆکوەزیرانی هۆڵەندا. تاوتوێی زیاتر بەهێزکردنی هاوئاهەنگیی دوولایەنەمان کرد و بیروڕامان لەسەر پێشهاتە هەرێمییەکان ئاڵوگۆڕ کرد."
بەپێی راگەیێندراوی سەرۆکایەتیی هەرێمی کوردستان، لە كۆبوونهوهكهدا پەرەپێدانی پەیوەندییەکانی هۆڵەندا لەگەڵ عێراق و هەرێمی کوردستان و بەردەوامیی هاوکارییەکانی ئەو وڵاتە لە بوارە جياكاندا تاوتوێ کران. نێچیرڤان بارزانی سوپاسی هۆڵەندای کردووە بۆ پشتگیرییە بەردەوامەکانی بۆ هەرێمی کوردستان.
لای خۆیانەوە، وەکو لە راگەیێندراوەکەدا هاتووە، شاندی هۆڵەندی دووپاتیان کردەوە، "وڵاتەکەیان بە بایەخەوە لە پەیوەندییەکانی لەگەڵ هەرێمی کوردستان دەڕوانێت و بەردەوام دەبێت لە پشتگیریکردنی ئارامی و گەشەپێدان لە ناوچەکەدا."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ