دۆناڵد ترەمپ: لە ئێران و ئیسرائیل رازی نیم و ئاگربەستیان شکاندووە

 

ئەو گوتیشی ئێران "هەرگیز تواناکانی ئەتۆمی خۆی دروستناکاتەوە."

 

سەرۆکی ئەمریکا ئاماژەی بەوە کرد، ئەو دوو وڵاتە ئەوەندە دەمێکە بە قورسی شەڕی یەکدی دەکەن، "خۆیشیان نازانن چی دەکەن." 

 

"دڵخۆش نیم کە ئێستا ئیسرائیل بەرێوەیە. ئەوە یەک دانە رۆکێت بوو کە هاوێژرا لە دوای ئەو کاتەی کە دیاریکرابوو، ئامانجەکەیشی نەپێکا. ئێستاش ئیسرائیل خەریکە هێرش دەبات، پێویستە ئەم برادەرانە ئارام ببنەوە. کارێکی پڕوپووچە. حەزم لە زۆر لەو شتانە نەبوو کە دوێنێ بینم، پێمخۆش نەبوو کە یەکسەر دوای ئەوەی ئێمە رێککەوتین، ئیسرائیل هێرشی کرد، نەدەبوو وابکەن. پێمناخۆش بوو کە تۆڵەکردنەوەکەیان زۆر بەهێز بوو. ئەگەر دادپەروەرانە قسە بکەین، ئیسرائیل زۆر هێرشی کرد. ئێستاش گوێم لێ بوو کە ئیسرائیل دەستی بە هێرشبردن کردووە، چونکە پێیانوایە پێشێلکارییان لە بەرامبەر کراوە بە رۆکێتێک کە بەر هیچ شوێنێک نەکەوت. بێگومان ئەوە ئەو شتە نییە کە ئێمە دەمانەوێت. بەڵام با پێتان بڵێم، ئەوەی ئیسرائیلیش کردی، پێی دڵخۆش نیم."

 

دوای ئەو قسانە، دۆناڵد ترەمپ لە پۆستێکدا لە سۆشیاڵ ترووس رایگەیاند، "ئیسرائیل هێرش ناکاتە سەر ئێران. هەموو فڕۆکەکان پێچ دەکەنەوە و دەگەڕێنەوە وڵاتەکەیان، لە کاتێکدا لە فڕۆکەکانەوە بە ئاماژەی دەستیان خواحافیزییەکی دۆستانە لە ئێران دەکەن. هیچ کەس ئازاری پێناگات، ئاگربەست لە جێبەجێکردندایە."