ئەنجوومەنی پارێزگای بەسرە لە بڕی پارەی تەرخانکراو لەلایەن وەزارەتی پلاندانانی عێراقەوە بۆ پارێزگاکە ناڕازییە، داوای کۆبوونەوەیەکی نائاسایی بە ئامادەبوونی پارێزگار و ئەندامانی پارێزگاکە لە پەرلەمانی عێراق دەکات
سەردانەکەی سەرۆکی هەرێمی کوردستان بۆ ئیمارات لاپەڕەی یەکەمی رۆژنامەکانی ئیماراتی داگیر کرد و رۆژنامەکانی ئەو وڵاتە بە بایەخەوە تیشک دەخەنە سەر سەردانەکەی نێچیرڤان بارزانی بۆ ئەبوزەبی.
وەزارەتی ناوخۆی عێراق رێنمایی نوێ بۆ چۆنییەتی گەڕانی ماتۆڕەکانی گەیاندن (دیلیڤەری) لە شەقامەکان راگەیاند، ئەوەش بە مەبەستی رێکخستنەوە و بەیاساییکردنی گەڕانیان بە شەقامەکانی پارێزگاکانی عێراق دا.
وەزارەتی پلاندانانی عێراق لە 20ی تشرینی دووەمی 2024، سەرژمێری گشتی لە هەموو پارێزگاکانی عێراق دەکات بە پارێزگاکانی هەرێمی کوردستانیشەوە.
وەزارەتی گواستنەوە و گەیاندنی عێراق رایگەیاند، رووبەری ئاسمانی دیاریکراو بۆ فڕۆکەوانیی مەدەنی لە عێراق فراوان کردووە و ناوچەی ئاسمانی دیاریکراوی بۆ فڕۆکەوانیی سەربازی تەسک کردووە، "ئامانج لێی پەرەپێدانی هاتووچۆی ئاسمانی مەدەنییە لە عێراق."
ژمارەیەک لە ئەندامانی پەرلەمانی عێراق، سەرقاڵی کۆکردنەوەی واژۆن بۆ لادانی باڵیۆزی ئەمریکا لە عێراق لە پۆستەکەی. تائێستا زیاتر لە 60 واژۆ کۆکراوەتەوە.
کۆمپانیای گووگڵ ژیریی دەستکرد بۆ وێبگەڕەکەی زیاد دەکات کە بە گەورەترین گۆڕانکاریی کۆمپانیاکە هەژمار دەکرێت لە چارەکە سەدەی رابردوودا
وەزارەتی خوێندنی باڵای عێراق داوا لە خوێندکارە نوێیەکانی دەکات پشکنینی بەکارهێنانی مادەی هۆشبەر بکەن، وەکو مەرجێک بۆ وەرگرتنیان لە خوێندنی باڵا بۆ ساڵی 2024 – 2025.
بەڕێوبەرایەتی گشتیی هاتووچۆی عێراق هۆشداریی دەداتە شۆفێران و دەڵێت، هەر کەسێک دەستکاریی تابلۆی ئۆتۆمبێلەکەی بکات دادگایی دەکرێت. ئەوانەشی بەبێ ویستی خۆیان تابلۆکەیان شێواوە بە 100 هەزار دینار پێبژاردن سزادەدرێن.
کۆنسوڵی گشتیی ئیمارات لە هەولێر بە رووداوی راگەیاند، ئەوان "کار لەسەر بەرزکردنەوەی بەشداریی هەولێر لە کۆڕبەندە نێودەوڵەتییەکاندا" دەکەن.
یوری ساک، راوێژکاری وەزیری پیشەسازییە ستراتیژییەکانی ئۆکراینا دەڵێت، چاوەڕێی گەیشتنی ئەو چەک و تەقەمەنیانە دەکەن، کە هاوپەیمانەکانیان بەڵێنی دابینکردنیان پێداون. دەشڵێت: "دواکەوتنی ئەو یارمەتییانە زیانی زۆری دەبێت، نەک تەنیا بۆ ئۆکراینا، بەڵکو بۆ هەموو جیهان."
ئەو شەمەندەفەرەی بەگەڕخراوە، ساڵی 2014 لە چین کڕدراوە. گوتەبێژی وەزارەتی گواستنەوە و گەیاندنی عێراق باسی تایبەتمەندییەکانی کرد و گوتی "ئامێری فێنککەرەوە، گەرمکەرەوە و رێستۆرانت هەروەها بەشی ڤی ئای پیشی تێدایە."
هۆڵەندا پڕۆژەیەکی کشتوکاڵی زیرەک و دۆستی گۆڕانی کەشوهەوا لە هەرێمی کوردستان پارەدار دەکات، بە ئامانجی بەرزکردنەوەی ئاستی بەرهەمی کشتوکاڵی و گونجاو لەگەڵ گۆڕانکارییە ترسناکەکانی کەشوهەوا و بیابانبوون و کەمبوونی ئاو
هۆڵەندا پارە بۆ پڕۆژەیەکی دامەزراندنی گەنجان دابین دەکات، ئەویش لە رێگەی بەستنەوەی زانکۆکانی هەرێمی کوردستان بە کۆمپانیاکانی کەرتی تایبەت و ئامادەکردنی گەنجان بۆ بازاڕی کار
وەزارەتی کارەبای عێراق بە نووسراوێکی فەرمی کارمەندەکانی ئاگادار دەکاتەوە کە لە کاتی دەوامدا "جلوبەرگی نەشیاو" نەپۆشن. هەروەها داوا لە کارمەندە نێرەکانی دەکات قژیان بە شێوەیەک نەتاشن، کە گونجاو نەبێت لەگەڵ فەرمانگەیەکی حکومی و فەرمیی وەکو وەزارەتەکەیان
