هەڵەیەک روویدا! دووبارە هەوڵبدە
نێو نەخۆشخانەی هیوا. وێنە: پەیجی نەخۆشخانەی هیوا
رووداو - تەندروستی
بەڕێوەبەری نەخۆشخانەی هیوای تایبەت بە شێرپەنجە لە سلێمانی بە رووداوی راگەیاند، ساڵی 2024، دوو هەزار و 888 تووشبووی نوێی شێرپەنجە لە نەخۆشخانەکە تۆمارکراون کە شێرپەنجەی مەمک زۆرترین بووە.
د. یاد نەقشبەندی، بەڕێوەبەری نەخۆشخانەی هیوا لە سلێمانی دەڵێت: لە نەخۆشخانەکە پێنج هەزار و 940 کۆدی نوێ تۆمارکراون کە لەو ژمارەیە دوو هەزار و 888ـیان تووشبووی نوێی شێرپەنجە بوون و ئەوانی دیکە تووشبووی نەخۆشیی دیکە بوون کە لە نەخۆشخانەکە چارەسەردەکرێن.
ئەمڕۆ هەیینی 10-1-2025 د. سارا جەمیل، پسپۆڕی شێرپەنجە لە نەخۆشخانەی هیوا بە رووداوی گوت، زۆرجار کەمی و نەبوونی دەرمان بۆ شێرپەنجە بارگرانی بۆ نەخۆش دروستدەکات و دەبێتەهۆی دواکەوتن لە وەرگرتنی چارەسەر و بۆشایی لەنێوان چارەسەری نەخۆشییەکە.
د. سارا جەمیل باسی هەڵەیەکی باوی نەخۆشانی شێرپەنجە دەکات و دەڵێت: شەرمکردن لە تووشبوون بە شێرپەنجە هەڵەیەکی باوە و زۆرجار ئەوانەی نیشانەیان هەیە، بە هەڵە پەنا دەبەنە بەر چارەسەری نەگونجاو.
بەپێی ئامارەکانی نەخۆشانەکە، ساڵی 2023، 3,356 تووشبووی نوێ تۆمارکراون، بەڵام ساڵی 2024، 2,888 تووشبووی نوێی شێرپەنجە هەبوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ