هەڵەیەک روویدا! دووبارە هەوڵبدە
د. شلێر مەجید، ماستەر لە نەخۆشییەکانی خانمان و منداڵبوون لە گەرمیان.
رووداو - تەندروستی
پسپۆڕێکی نەخۆشییەکانی خانمان و منداڵبوون رایدەگەیێنێت، پێکهێنانی ژیانی هاوژینی لە تەمەنێکی بچووکدا و کەمتر لە تەمەنی 18 ساڵی، خانمەکە دەکەوێتە مەترسییەوە و دەشێت ژیانی لەدەستبدات.
ئەمڕۆ چوارشەممە 11-12-2024 د. شلێر مەجید، ماستەر لە نەخۆشییەکانی خانمان و منداڵبوون لە گەرمیان رایگەیاند، بەشێکی زۆری ئەوانەی بە نەشتەرگەری منداڵیان دەبێت، پێشوەختە هاوسەرگیرییان کردووە، ئەمەش چەندین لێکەوتەی خراپ لەسەر منداڵەکە دروستدەکات.
د. شلێر مەجید دەڵێت: ئەو خانمانەی پێشوەختە هاوسەرگیری دەکەن، لە ماوەی دووگیانیدا زیاتر تووشی کەمبوونەوەی ڤیتامین و مادەی ئاسن دەبن و ئەگەری منداڵبوونیان بە نەشتەرگەری و مەترسیی لەسەر ژیانی کۆرپەکەیان زۆرە، دەشڵێت: ''ئەگەری مردنی خانمەکە بە منداڵبوون زیاددەکات''.
لە گەرمیان سیمینارێک بۆ باسکردنی لێکەوتەکانی پێکهێنانی ژیانی هاوژینیی پێشوەختە کرا و بەشی یاسایی زانکۆی گەرمیان لەگەڵ رێکخراوێکدا ئەنجامیاندا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ