هەڵەیەک روویدا! دووبارە هەوڵبدە
رووداو - تەندروستی
لەبەردەم وەزارەتی تەندروستیی عێراق دەرچووانی دانەمەزراوی بەشە پزیشکییەکان گردبوونەوە و داوای دامەزراندن دەکەن، چونکە هێشتا 21 هەزار و 677 دەرچوو دانەمەزراون.
ئەمڕۆ یەکشەممە 19-1-2025 زیاد ئیسماعیل، پەیامنێری رووداو لە بەغدا لەبەردەم وەزارەتی تەندروستی گوتی، ژمارەیەکی کەمی دەرچووانی ساڵی 2023 دامەزراون و ئەوانی دیکە داوای دامەزراندن دەکەن و گردبوونەتەوە.
بەگوتەی زیاد ئیسماعیل، ئەو دەرچووانەی دانیشتووی ناوچە کوردستانییەکانن و سەر بە مادەی 140ـن ئەوانیش بەشێکن لە خۆپێشاندەران.
کۆتا خولی دامەزراندن لە بەشە پزیشکییەکان، شەش هەزار و 305 کەس بوون کە هێشتا 21 هەزار و 677 کەسیان ماون و دانەمەزراون.
ئەو دەرچووانە دەڵێن، مافی خۆیانە راستەوخۆ دوای تەواوکردنی زانکۆیان دابمەزرێندرێن، بەڵام ئەم مافەیان پشتگوێ خراوە، هاوکات ئەمە 25 جارە گرددەبنەوە و داواکانیان دەردەبڕن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ