وەزارەتی دارایی خشتەی مووچەی مانگی 7ی بڵاوکردەوە

 

 

بەپێی ئەو خشتەیەی وەزارەتی دارایی بڵاویکردووەتەوە، سبەی پێنجشەممە 2ی تشرینی یەکەمی 2025 مووچەخۆرانی ئەم وەزارەت و شوێنانە مووچە وەردەگرن: خانەنشینی مەدەنی، خاوەن پێداویستیی تایبەت، زیندانە سیاسییەکان و بەرکەوتووانی کیمیاباران، کەسوکاری شەهیدان و ئەنفالکراوان، کاروباری شەهیدان و ئەنفالکراوان، پەروەردە، خانەنشینی پێشمەرگە، دەستەی دەستپاکی، دەستەی وەبەرهێنان، دەستەی ژینگە، دەزگای مین، ناوچەکانی دەرەوەی هەرێم، کۆمیسیۆنی باڵای هەڵبژاردن، دیوانی چاودێریی دارایی و مافی مرۆڤ.

 

رۆژی هەینی 3ی تشرینی یەکەم لە خشتەکەدا بۆ دابەشکردنی مووچە نییە. رۆژی شەممە 4ی تشرینی یەکەم ئەم وەزارەت و شوێنانە مووچە وەردەگرن: ئاوەدانکردنەوە و نیشتەجێکردن، تەندروستی، ناوخۆ، داد، ئەنجوومەنی دادوەری، پلاندانان، بازرگانی و پیشەسازی، سامانە سرووشتییەکان، گواستنەوە و گەیاندن، کشتوکاڵ و سەرچاوەکانی ئاو و شارەوانی و گەشتوگوزار.

 

هەروەها رۆژی یەکشەممە 5ی تشرینی یەکەم دوا رۆژی دابەشکردنی مووچەی مانگی 7 دەبێت و ئەم وەزارەت و شوێنانە مووچە وەردەگرن: کار و کاروباری کۆمەڵایەتی، رۆشنبیری و لاوان، کارەبا، ئەوقاف و کاروباری ئایینی، خوێندنی باڵا و توێژینەوەی زانستی، سەرۆکایەتیی پەرلەمان، سەرۆکایەتیی ئەنجوومەنی وەزیران، سەرۆکایەتیی هەرێمی کوردستان، پێشمەرگە (دیوان، لیواکان)، یەکەی 70 و 80، بەڕێوەبەرایەتی پۆلیسی دام و دەزگا نەوتییەکان، ئەنجوومەنی ئاسایش و دەزگای ئاسایش و هێزی زێرەڤانی و فەرماندەی بەرگریی فریاکەوتن.