هەڵەیەک روویدا! دووبارە هەوڵبدە
رووداو دیجیتاڵ
لە پارێزگەی ئیدری باکووری کوردستان، شەڕە تەقە لە نێوان دوو گرووپدا دروست بوو و بەهۆیەوە دوو کەس کوژران و دووی دیکەش بریندار بوون.
رووداوەکە، رۆژی یەکشەممە، 2ی ئاداری 2025 لە گوندی شەمکێ سەر بە شارۆچکەی تۆزان لە ئیدری باکووری کوردستان روویدا؛ سەرەتا مشتومڕ و گرژی لە نێوان دوو گرووپەکە دروست بوو و پاشانیش بوو بە شەڕە تەقە.
دوای ئەوەی هەواڵ بە لایەنی پەیوەندیدار درا، تیمەکانی پۆلیس و تەندروستی گەیشتنە شوێنی رووداوەکە. بەگوێرەی زانیاریی تیمەکان، عوسمان کاڵکان و چيتین کاڵکان لە شوێنی رووداوەکە گیانیان لەدەستدا. دوو کەسیش بریندار بوون.
بریندارەکان لەلایەن تیمەکانەوە گەیێندرانە نەخۆشخانە و تەرمی دوو کەسەکە رەوانەی دادپزیشکی پارێزگەکە کرا.
تیمەکانی پۆلیس رێوشوێنی ئەمنییان لە شوێنی رووداوەکە گرتەبەر و لێکۆڵینەوەیان لە رووداوەکە دەستپێکرد.
بەگوێرەی ئاماری وەقفی ئوموت، پار لە تورکیا و باکووری کوردستان، سێ هەزار و 801 رووداوی تووندوتیژی روویانداوە، تێیاندا دوو هەزار و 370 کەس کوژراون و سێ هەزار و 829ـی دیکەش بریندار بوون. لە سێ هەزار و 194 رووداودا دەمانچە و لە 607 رووداویشدا چەقۆ بەکارهێندراون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ