نێو بنکەی تەندروستیی سیدەکان
رووداو دیجیتاڵ
قایمقامی سیدەکان دەڵێت، بەهۆی تەقینەوەی (تی ئێن تی)یەوە بە تیمێکی پاسەوانی سنووردا، پۆلیسێک گیانی لەدەستداوە و یەکێکی دیکەیش بریندارە.
رۆژی هەینی، 2ـی حوزەیرانی 2023، ئیسان چەلەبی، قایمقامی قەزای سیدەکان بە تۆڕی میدیایی رووداوی گوت، "کاژێر 05:25ـی ئێوارەی ئەمڕۆ لە چیای قەلەڕەش کە خاڵێکی پاسەوانی سنووریی لێیە، (تی ئێن تی) بە دوو پۆلیسی پاسەواندا تەقییەوە؛ یەکێکیان گیانی لەدەستداوە و ئەوی دیکەش بریندارە".
چەلەبی ئاماژەی بەوەشکرد، هەردوو پۆلیسەکەی پاسەوانی سنوور لە ئەرکدا بوون و کێشەیەک لە ئاوی بنکەکەیان هەبووە و چوون چارەسەری بکەن و (تی ئێن تی)یان پێدا تەقیوەتەوە.
ئەو پۆلیسەی گیانی لەدەستداوە ناوی رزگار عەبدولکەریمە؛ سامان فەتاح پۆلیسەکەی دیکەیە و بریندارە.
تەرمی قوربانییەکە رەوانەی دادپزیشکی دەکرێت و بریندارەکەش دوای وەرگرتنی چارەسەری سەرەتایی رەوانەی نەخۆشخانەکانی هەولێر کراوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ