رووداو دیجیتاڵ
پۆلیسی سۆران دەڵێت، منداڵێکی 11 ساڵ لە سنووری قەزاکە بە خنکاوە و لێکۆڵینەوە لە رووداوەکە دەکەن.
ئەمڕۆ سێشەممە، 03-10-2023، پۆلیسی سۆران بە تۆڕی میدیایی رووداوی راگەیاند، منداڵەکە ناوی ئەنەس سەردارە و لە بەردەم ماڵی خۆیاندا خنکاوە. گوتیشی، بۆ زانینی هۆکاری راستەقینەی رووداوەکە، لێکۆڵینەوەیان دەستپێکردووە.
هاوکات کاروان محەممەد، بەڕێوەبەری کارگێڕیی نەخۆشخانەی خەلیفان بە تۆڕی میدیایی رووداوی گوت، کاژێر 04:00ـی ئێوارە ئەو منداڵە بە خنکاوی گەیێندراوەتە نەخۆشخانەی خەلیفان و "شوێنی پەت بە ملیەوە دیاربووە."
بەگوتەی کاروان محەممەد، کاتێک ئەنەس گەیێندراوەتە نەخۆشخانەی خەلیفان، گیانی لەدەست دابوو.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ