رووداو دیجیتاڵ
لە دوو گوندی ناحیەی گوڵاڵە لە ئەنجامی لافاو 74 خانوو رووخان و زیاتر لە 100 سەر مەڕ و گوێرەکەش مرداربوون.
ناحیەی گوڵاڵە دەکەوێتە سنووری قەزای خانەقین لە پارێزگای دیالە. رۆژی هەینی بەهۆی بارانی بەلێزمەوە، لافاو دروستبوو؛ لافاوەکە گوندەکانی کەشکۆڵ و سەلامی لە ناحیەکە گرتەوە و زیانی زۆری لێکەوتووەتەوە.
عەقید عەمار زەیدی، بەڕێوەبەری راگەیاندنی بەرگریی شارستانیی دیالە، رۆژی شەممە 4ی ئایاری 2024 بە رووداوی گوت، "74 خانوو و قوتابخانەی گوندەکان رووخاون و زیاتر لە 104 سەر مەڕ و گوێرەکە و مانگاش مرداربوونەوە."
بەڕێوەبەری راگەیاندنی بەرگریی شارستانیی دیالە گوتی، "دوای ئاگادارکردنەوەمان، تیمەکانی بەرگریی شارستانی بەهانای خەڵکەکە چوون."
هەر لەوبارەوە، لیوا یەحیا رەسووڵ، گوتەبێژی فەرماندەی گشتیی هێزە چەکدارەکانی عێراق لە راگەیێندراوێکدا گوتی، سوپای عێراق بەتایبەتی فەوجی یەکەمی لیوای 53 هاوکاری خەڵکە لێقەوماوەکەیان کردووە و بۆ شوێنێکی ئارامیان گواستوونەتەوە.
لە دوو گوندی ناحیەی گوڵاڵە لە ئەنجامی لافاو 74 خانوو رووخان و زیاتر لە 100 سەر مەڕ و گوێرەکەش مرداربوونەوە
— Rudaw (@Rudawkurdish) May 4, 2024
زانیاریی زیاتر:https://t.co/JXz48d0zzJ pic.twitter.com/zaZfPiaqCi
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ