رووداو دیجیتاڵ
درەنگی شەوی رابردوو لە گەڕەکی شەهیدانی قەڵادزێ دەمەقاڵێ لەنێوان سێ گەنج دروست دەبێت؛ دواتر دەبێتە شەڕیان و یەکێک لە گەنجەکان بە چەقۆ دەکوژرێت.
عوسمان ئەحمەد، بەڕێوەبەری کارگێڕیی نەخۆشخانەی فێرکاریی شەهیدانی قەڵادزێ بە رووداوی راگەیاند، شەڕەکە کاژێر 02:00ی بەرەبەیانی ئەمڕۆ یەکشەممە، 04-06-2023، بووە، بریندارێکی شەڕەکە کە شوێنی شەش چەقۆ بە جەستەیەوە بوو، گەیێندرایە نەخۆشخانە، چارەسەری سەرەتایی بۆکرا، بەڵام بەهۆی سەختیی برینەکەیەوە رەوانەی سلێمانی کرا.
بەگوتەی عوسمان ئەحمەد، ئەو گەنجە بریندارە کە ناوی وەزێڕ ئەحمەدە، لە رێگەی چوون بۆ سلێمانی لە نزیک دووکان بەهۆی سەختیی برینەکەیەوە گیانی لەدەستدا.
وەزێڕ ئەحمەد، تەمەنی 21 ساڵ بوو. تاوەکو ئێستا پۆلیس هیچ روونکردنەوەیەکی بڵاونەکردووەتەوە، بەڵام بەگوێرەی زانیارییەکانی رووداو، تاوەکو کاتی ئامادەکردنی ئەم هەواڵە، تۆمەتبارەکان دەستگیر نەکراون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ