رووداو دیجیتاڵ
بەڕێوەبەری گشتیی دادپزیشکیی پارێزگای لوڕستان دەڵێت، لە ساڵێکدا 485 کەس بە رووداوی هاتووچۆ لە پارێزگاکە گیانیان لەدەستداوە؛ ئاماژە بەوەش دەکات، هەر لەو ماوەیەدا لانیکەم 10 هەزار و 700 کەس بریندار بوون.
ئەمڕۆ چوارشەممە 04-06-2025، محەممەد فارسینەژاد، بەڕێوەبەری گشتیی دادپزیشکیی پارێزگای لوڕستانی رۆژهەڵاتی کوردستان رایگەیاند، لە 21-03-2024ـەوە تاوەکو 21-03-2025، بەهۆی رووداوەکانی هاتووچۆوە لە پارێزگاکە، 485 کەس گیانیان لەدەستداوە.
فارسینەژاد ئاماژەی بەوە کرد، هەر لەو ماوەیەدا 10 هەزار و 707 کەس بە رووداوەکانی هاتووچۆ بریندار بوون کە دوو هەزار و 985ـیان ژنن.
ساڵانە لە ئێران و رۆژهەڵاتی کوردستان، هەزاران کەس بە رووداوی هاتووچۆ گیان لەدەستدەدەن.
بە گوێرەی ئامارە فەرمییەکانی دادپزیشکیی ئێران، هەر لە ماوەی ئەو یەک ساڵەدا 20 هەزار و 45 کەس لە رۆژهەڵاتی کوردستان و ئێران بە رووداوی هاتووچۆ گیانیان لەدەستداوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ