رووداو دیجیتاڵ
لە رووداوێکی هاتووچۆدا لە پارێزگای کرماشانی رۆژهەڵاتی کوردستان، 2 کەس گیانیان لەدەستدا و 5 کەسی دیکەش بریندار بوون.
ئەمڕۆ چوارشەممە، 5ی تشرینی دووەمی 2025 مەسعود قەلعەسفیدی، بەڕێوەبەری فریاکەوتنی کرماشان رایگەیاند، رووداوەکە کاژێر حەوتی بەرەبەیانی ئەمڕۆ لە رێگەی سەرەکیی نێوان شارەکانی سونقور و بێستوون بووە و 2 ئۆتۆمبێلی تایبەت لە جۆری پراید و هیوندای سانتافێ پێکیانداداوە.
مەسعود قەلعەسفیدی گوتی، بەهۆی سەختیی رووداوەکەوە 2 کەس دەستبەجێ گیانیان لەدەستداوە و 5 کەسیش بریندار بوون.
بە گوتەی بەڕێوەبەری فریاکەوتنی کرماشان، بریندارانی رووداوەکە لە لایەن تیمەکانی فریاکەوتنەوە و بە سێ ئەمبووڵانس بۆ نەخۆشخانەکانی تاڵەقانی و خومەینیی شارەکە گوێزرانەوە.
بەگوێرەی راپۆرتێک کە بەڕێوەبەرایەتیی گشتیی دادپزیشکیی کرماشان 28ـی تشرینی یەکەم بڵاوی کردووەتەوە، ''لە 6 مانگی رابردوودا 300 کەس بە رووداوی هاتووچۆ لە پارێزگاکە گیانیان لەدەستداوە و زیاتر لە 7 هەزار کەسیش بریندار بوون."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ