رووداو دیجیتاڵ
بەیانیی ئەمڕۆ چوارشەممە کاژێر 9:30، بەهۆی رووداوێکی هاتووچۆ لەسەر رێگەی سەرەکیی دووکان - خەلەکان لە نزیک گوندی قەڵات لە سنووری پارێزگای سلێمانی، کەسێک گیانی لەدەست دا.
رووداوەکە لەنێوان ئۆتۆمبێلێکی بارهەڵگر و ئۆتۆمبێلێکی تایبەتی جۆری تۆیۆتا یارس روویداوە. بەهۆی ئەوەوە، شۆفێری ئۆتۆمبێلە تایبەتەکە دەستبەجێ گیانی لەدەست داوە.
دانا جەبار، لێپرسراوی بنکەی هاتووچۆی خەلەکان، بە تۆڕی میدیایی رووداوی راگەیاند: "هۆکاری رووداوەکە بەهۆی تێپەڕاندنی هەڵەی ئۆتۆمبێلە تایبەتەکەوە بووە."
ناوبراو ئاماژەی بەوەش دا، ئەو شۆفێرەی گیانی لەدەست داوە تەمەنی 42 ساڵە و دانیشتووی قەزای دووکانە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ