هەڵەیەک روویدا! دووبارە هەوڵبدە
رووداو دیجیتاڵ
دوو کوردی خەڵکی شاری سەردەشت لە پارێزگای ورمێی رۆژهەڵاتی کوردستان بە تاوانی دەستدرێژی بۆ سەر ژمارەیەک کچی شارەکە، لە بەندیخانەی مهاباد لە سێدارەدران.
رۆژی دووشەممە، 6ی کانوونی دووەمی 2025، سزای لە سێدارەدانی رەزا سەیدی و عەلی ئاتین کە تۆمەتبارن بە دەسترێژی کردنە سەر ژمارەیەک کچی شاری سەردەشت جێبەجێکرا.
ئەو دوو کەسە ساڵی 2021، دوای ناڕەزایەتیی دەڕبڕینی چالاکڤانانی سەردەشت و سکاڵای ژمارەیەک لە قوربانییان دەستبەسەر کران.
ناڕەزایەتییەکان دوای ئەوە سەریهەڵدا، کە کوڕێک لەگەڵ دەستگیرانەکەی چوووبوونە دەرەوە ئەو باندە دوو کەسییە بە زۆر دەستدرێژیان کردبووە سەر کچەکە.
بە گوتەی چالاکڤانانی ژن لە شاری سەردەشت، ژمارەیەکی زۆری کچان و ژنان لەلایەن ئەو باندەوە دەستدرێژیان کراوەتە سەر.
سزای سێدارەی عەلی ئاتین تەمەن 28 ساڵ و رەزا سەیدی تەمەن 48 ساڵ، لە بەندیخانەی ناوەندیی مەهاباد جێبەجێکراوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ