رووداو دیجیتاڵ
بوومەلەرزەزانیی عێراق دەڵێت، دوای نیوەڕۆی ئەمڕۆ بوومەلەرزەیەک بە گوڕی 2.3 پلەی رێختەر لە پارێزگای هەولێر روویداوە.
عامر جابری، گوتەبێژی دەستەی کەشناسی و بوومەلەرزەزانیی عێراق، ئەمڕۆ سێشەممە شەشی ئایاری 2025 بە تۆڕی میدیایی رووداوی گوت: "بوومەلەرزەکە کاژێر 16:42 خولەکی دوای نیوەڕۆی ئەمڕۆ بە دووریی 30 کیلۆمەتر لە باکووری هەولێر تۆمار کراوە".
گوتەبێژی دەستەی کەشناسی و بوومەلەرزەزانیی عێراق دەڵێت: "گوڕی بوومەلەرزەکە 2.3 پلە و قووڵاییەکەشی 5.4 کیلۆمەتر بووە؛ زیانی نەبووە."
دەستەی کەشناسی و بوومەلەرزەزانیی عێراق ئاماژە بەوە دەکات، مانگی رابردوو 60 بوومەلەرزەیان تۆمارکردووە کە 16یان لە باشووری کوردستان بوون و گوڕەکەیان لەنێوان یەک تاوەکو 4.1 پلەی رێختەر بووە.
شەش بوومەلەرزەیان لە پارێزگاکانی سلێمانی و هەڵەبجە، سێ بوومەلەرزەیان لە پارێزگای دهۆک، دوو بوومەلەرزەیان لە پارێزگای هەولێر، سێ دانەیان لە پارێزگای کەرکووک و دووانەکەی دیکە لە خانەقین لە پارێزگای دیالە بوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ