رووداو دیجیتاڵ
نێچیرڤان بارزانی، پیرۆزبایی لە فرێدریش مێرتس دەکات بە بۆنەی هەڵبژاردنی وەک راوێژکاری کۆماری فیدراڵیی ئەڵمانیا. و دەڵێت، "هەرێمی کوردستان چاوی لە بەهێزکردنی هاریکارییەتی لەگەڵ ئەڵمانیا."
ئەمڕۆ پەرلەمانی فیدراڵیی ئەڵمانیا فرێدریش مێرتس، بەربژێری هاوپەیمانێتیی کریستیان دیموکرات و یەکێتیی کریستیان سۆسیال CDU/CSU و سۆسیال دیموکراتی وەک راوێژکاری نوێی وڵاتەکە هەڵبژارد.
مێرتس، نەیتوانی لە گەڕی یەکەم دەنگی پێویست بەدەستبهێنێت، بۆیە دەنگدانەکە چووە گەڕی دووەم و بە دەنگی 325 پەرلەمانتار لەکۆی 630 پەرلەمانتار بووە راوێژکار.
چاوەڕێ دەکرێ هەر ئەمشەو ئۆلاف شۆڵتز و مێرتس لەرێوڕەسمێکدا ئاڵوگۆڕی دەسەڵات بکەن و پاشانیش سەرجەم ئەندامانی کابینە نوێیەکەی حکومەتی ئەڵمانیا سوێندی یاسایی بخۆن و دەستبەکاربن.
نێچیرڤان بارزانی، سەرۆکی هەرێمی کوردستان هیوای سەرکەوتنی لە ئەرکە نوێیەکەدا بۆ خواست و گوتی، "هەرێمی کوردستان پێزانینی هەیە بۆ ئەو هاوبەشییە نزیکەی لەگەڵ ئەڵمانیا هەیەتی و هەرێمی کوردستان چاوی لە بەهێزکردنی هاریکارییەتی لەگەڵ ئەڵمانیا."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ