رووداو دیجیتاڵ
دەزگەی ئاسایشی هەرێمی کوردستان رایگەیاند، بەڕێوەبەرایەتی گشتیی ئۆپراسیۆنەکانی ئاسایش لەسەر بنەمای زانیاری هەواڵگری و کاری هاوبەش لەگەڵ دەزگا ئەمنییەکانی حکومەتی عێراق، "لە جەوەڵ بۆر مۆڵگەکانی تیرۆریستانی داعشیان خاپوور کرد و پێنج تیرۆریستی داعشیان دەستگیرکرد."
بەگوێرەی دەزگای ئاسایشی هەرێم، لە ئۆپراسیۆنێکی هاوبەشدا، بەڕێوەبەرایەتیی گشتیی ئۆپراسیۆنەکانی ئاسایش بەهەماهەنگی بەڕێوەبەرایەتیی هەواڵگری سەربازیی عێراقی دو چالاکیان ئەنجامداوە و "مۆڵگەکانی داعشیان" لەنێوبردووە.
دەزگاکە دەشڵێت، رۆژی 29-4-2025، لە پارێزگای کەرکوک ناوچەی جەوەڵ بۆر و دەوروبەریان کێوماڵ کردووە و مۆڵگەکانی "تیرۆریستانی داعشیان" خاپوور کردووە و دەستیان بەسەر بڕێک مادە و بەڵگەنامەدا گرتووە.
چالاکی دووەم لەنێوان رۆژانی 30-4-2025 تاوەکو 04-05-2025 بووە. دەزگای ئاسایشی هەرێم دەڵێت، بەڕێوەبەرایەتیی گشتیی ئۆپەراسیۆنەکانی ئاسایش، "لەسەر بنەمای بەدواداچوون و زانیارییە هەواڵگرییەکان لەچەند ئۆپراسیۆنێکدا، توانیان پێنج تیرۆریستی ئەندامی چالاکی تیرۆریستانی داعش دەستگیر بکەن."
بەگوێرەی دەزگاکە، ئەو پێنج داعشە، بەمەبەستی خۆ رێکخستنەوە روویان لە سنووری ناوچەکانی کەلار، چەمچەماڵ، هەڵەبجە، سلێمانی کردبوو و تیرۆریستان بە مادەکانی (4،2)ـی تیرۆر داواکراوبوون."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ