رووداو دیجیتاڵ
ئیدارەی پارێزگای کەرکوک بڕیاری دا سبەینێ چوارشەممە 10-12-2025، بەبۆنەی نۆیەمین ساڵیادی "رۆژی سەرکەوتن بەسەر تیرۆریستانی داعش"دا، بکرێتە پشووی فەرمی.
رێبوار تەها، پارێزگاری کەرکووک رایگەیاند، ئیدارەی پارێزگا و لیژنەی باڵای ئەمنی، "گەرمترین پیرۆزبایی ئاڕاستەی خەڵکی کەرکووک بە هەموو پێکهاتەکانیەوە دەکەن. لەم یادەدا قوربانیدانی هێزەکانی سوپا، پێشمەرگە، پۆلیس، حەشدی شەعبی و سەرجەم هێزە ئەمنییەکان لەیادناكەین، کە لەپێناو ئازادکردنی خاک و پاراستنی نیشتماندا خوێنیان رشت."
پارێزگاری کەرکووک بڕیاری دا، دەوامی فەرمی لە سەرجەم فەرمانگە، قوتابخانە، کۆلێژ و زانکۆکان رابگیرێت، جگە لە فەرمانگە خزمەتگوزارییەکان.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ