رووداو دیجیتاڵ
هاونیشتمانییەک کە شوان بووە، ئەمڕۆ بەهۆی هەورەبرووسکەوە لە سنووری گەرمیان گیانی لەدەستدا.
عەقید عەلی جەمال قدووری، گوتەبێژی پۆلیسی گەرمیان بە تۆڕی میدیایی رووداوی گوت، "ئەو هاونیشتمانییە ناوی محەممەد قادر مەحموودە و لەدایکبووی 1977ـە".
رووداوەکە لە گوندی قەرەچەم لە ناحیەی مەیدان روویداوە. گوتەبێژی پۆلیسی گەرمیان گوتی، ئەو کەسەی گیانی لەدەستداوە دانیشتووی قەزای شارەزوورە و بۆ شوانی چووەتە سنوورەکە.
تەرمی هاونیشتمانییەکە رەوانەی دادپزیشکیی گەرمیان کراوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ