هەڵەیەک روویدا! دووبارە هەوڵبدە
ئیدریس مینبەری، مامۆستای زمانی کوردی و چالاکڤانە.
رووداو دیجیتاڵ
ئیدریس مینبەری، مامۆستایەکی زمانی کوردییە لە سنە و بۆ تەواوکردنی حوکمەکەی چووە زیندان.
ئیدریس مینبەری، مامۆستای خۆبەخشی زمانی کوردی و ئەندامی دەستەی بەڕێوەبەریی رێکخراوی نۆژینە و رۆژی 05-11-2025 لەلایەن لقی جێبەجێکردنی سزاکانی دادگەی سنەوە ئاگادارکرایەوە کە رۆژی شەممە بۆ تێپەڕاندنی ماوەی حوکمەکەی خۆی بە دادگە بناسێنێت.
لە رێورەسمێ بەرێکردنی ئەو مامۆستایەدا، ژمارەیەک لە کەسوکار و هاوڕێکانی ئامادەبوون و رایانگەیاند، درێژە بە کارەکانی دەدەن.
رێکخراوی کولتووری- کۆمەڵایەتیی نۆژین ساڵی 2010 دامەزراوە و لە شار و گوندەکانی پارێزگای سنە کۆرسی فێرکردنی زمانی کوردی دەکاتەوە.
ئیدریس مینبەری لە دامەزرێنەرانی رێکخراوەکەیە، مامۆستای زمانی کوردی و چالاکڤانێکی دیاری شاری سنەیە.
بەشێکی ئەو هاونیشتمانییانەی بۆ بەڕێکردنی ئیدریس مینبەری وەستابوون، خۆشیان رووبەڕووی لێپرسینەوە و سزادان بوونەتەوە.
لەوانە سۆما پوور محەممەدی، هاوژینی ئیدریس کە بە زیاتر لە 10 ساڵ زیندانیکردن سزادراوە؛ هەروەها زارا محەممەدی و سەیوان ئیبراهیمی کە ئەوانیش حوکم درابوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ