هەڵەیەک روویدا! دووبارە هەوڵبدە
رووداو دیجیتاڵ
ئەو کەسەی بە دەمانچە لەنێو بازاڕی شارەوانیی چوارقوڕنە هاوژینەکیی دایە بەر گولـلە و برینداریکرد، ئەمڕۆ لەکاتێکدا پۆلیس ویستوویەتی دەستگیری بکات، بە دەمانچە رووبەڕووی پۆلیسیش بووەتەوە و دواتر دەستگیرکراوە.
شۆڕش ئیسماعیل، گوتەبێژی پۆلیسی راپەڕین بە رووداوی راگەیاند، دوای بریندارکردنی هاوژینەکەی بە چەکی دەمانچە و وەرگرتنی رەزامەندیی دادوەر بۆ دەستگیرکردنی تۆمەتبار، پۆلیسی شارۆچکەی چوارقوڕنە دوای بەدەستهێنانی زانیاریی شوێنی تۆمەتبار، بەمەبەستی دەستگیرکردنی چوونەتە سەری، بەڵام ئامادەنەبووە خۆی رادەستی پۆلیس بکات و رووبەڕوویان وەستاوەتەوە بە دەمانچە تەقەی لە پۆلیس کردووە.
گوتەبێژی پۆلیسی راپەڕین دەڵێت، هیچ پۆلیسێک لەکاتی رووبەڕووبوونەوەکەدا بریندارنەبووە و توانیویانە دەستگیریبکەن.
شۆڕش ئیسماعیل ئەوەی خستەڕوو، تۆمەتبارەکە ناوی (ا. م. س) و تەمەنی 30 ساڵە، پیشەی کاسبە و بە بڕیاری دادوەر راگیراوە؛ لێکۆڵینەوە لەگەڵیدا دەستیپێکردووە و بەردەوامە.
ئێوارەی رۆژی چوارشەممە 10-03-2021 ئافرەتێکی تەمەن 35 ساڵ بە چەکی دەمانچە لەناو بازاڕی شارەوانیی چوارقوڕنە بریندارکرا و ئافرەتەکە بە پۆلیسی گوتبوو هاوژینەکەی تەقەی لێکردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ