رووداو دیجیتاڵ
بەرپرسێکی کەنەکە بە تۆڕی میدیایی رووداو راگەیاند، رێوڕەسمی چەکدانانی گرووپێکی گەریلای پەکەکە لە ئەشکەوتی جاسەنە دەبێت لە سنووری پارێزگای سلێمانی.
د. حەکیم عەبدولکەریم، ئەندامی کۆنگرەی نەتەوەیی کوردستان و بەشدار لە رێوڕەسمەکە بە تۆڕی میدیایی رووداوی گوت: "ئێمە لە شوێنی رێوڕەسمەکەین و ئەشكەوتی جاسەنە بەڕێوەدەچێت لە سنووری ناحیەی سوورداش لە پارێزگای سلێمانی".
بڕیارە ئەمڕۆ هەینی، گرووپێکی گەریلاکانی پەکەکە وەکو "نیازپاکی" بۆ پرۆسەی ئاشتی، چەکەکانیان دابنێن و لەنێوی ببەن.
ئەشکەوتی جاسەنە بە دووریی 50 کیلۆمەتر دەکەوێتە رۆژئاوای شاری سلێمانی لە ناوچەی سورداش لەسەر رێگەی سلێمانی - دووکان. جاسەنە لە پشتی گوندی کانی خان، لە بناری چیایەکی گەورە هەڵکەوتووە.
ئەشکەوتەکە مێژوویەکی دوور و درێژی هەیە لە شۆڕشی کورددا، پەناگەی شێخ مەحموودی حەفید بووە. هەروەها لە شۆڕشی نوێیدا بۆ پێشمەرگە گرینگ بوو؛ لە دژی رژێمی بەعس پەناگەیەکی گرینگی هێزەکانی پێشمەرگە بووە لە ناوچەی سورداش و دووکان و زنجیرە چیای پیرەمەگروون.
فۆتۆستۆری لە ئەرشیڤی رووداوەوە؛ ئەمە ئەشکەوتی جاسەنەیە لە سوورداش
— Rudaw (@Rudawkurdish) July 11, 2025
بە دووریی 50 کیلۆمەتر دەکەوێتە رۆژئاوای شاری سلێمانی و لە پشتی گوندی کانی خان، لە بناری چیایەکی گەورە هەڵکەوتووە.
پاش هێرشی فڕۆکەی سوپای ئینگلیز لە ساڵی 1923، شێخ مەحموودی حەفید ئەشکەوتی جاسەنەی کردە پەناگە،… pic.twitter.com/pDhUDyihhA
نوێدەکریتەوە...
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ