رووداو دیجیتاڵ
سەرۆکی لیژنەی ئاسایش و بەرگریی ئەنجوومەنی پارێزگای نەینەوا دەڵێت، پارێزگای دهۆک کەمترین و نەینەوا دووەم کەمترین تاوانیان لەسەر ئاستی عێراق و هەرێمی کوردستان تێدا تۆمار کراوە.
محەممەد جاسم، سەرۆکی لیژنەی ئاسایش و بەرگریی ئەنجوومەنی پارێزگای نەینەوا، ئەمڕۆ پێنجشەممە، 11ـی ئەیلوولی 2025، بە تۆڕی میدیایی رووداوی راگەیاند، وەزارەتی ناوخۆی عێراق مانگانە لەبارەی رێژەی تاوان لە پارێزگاکان ئاگاداریان دەکاتەوە، بەڵام ئەو زانیارییانە بۆ بڵاوکردنەوە نین و تەنیا بۆ ئەوەیە ئاگاداری رەوشەکە بن.
محەممەد جاسم گوتی، بەگوێرەی نوێترین ئاماری وەزارەتی ناوخۆ، لەسەر ئاستی پارێزگاکانی عێراق و هەرێمی کوردستان، پارێزگای دهۆک کەمترین رێژەی تاوانی تێدا تۆمار کراوە و پارێزگای نەینەواش لە پلەی دووەمدایە.
سەرۆکی لیژنەی ئاسایش و بەرگریی ئەنجوومەنی پارێزگای نەینەوا جەختی لەوە کردەوە، ئێستا رەوشی ئەمنیی پارێزگاکەیان زۆر باشە و ئەگەر هەر تاوانێکیش رووبدات، هێزە ئەمنییەکان دەتوانن تاوانباران دەستگیر بکەن.
محەممەد جاسم گوتی، زۆرترین رێژەی تاوان لە پارێزگاکانی باشووری عێراق تۆماردەکرێت و یەکێک لە هۆکارە سەرەکییەکانیش بۆ شەڕ و پێکدادانی نێوان هۆزەکان و مادەی هۆشبەر دەگەڕێتەوە.
![محەممەد ئەمین بۆزئەرسلان [لای راست] و نێچیرڤان بارزانی.](https://www.rudaw.net/s3/rudaw.net/ContentFiles/932975Image1.jpg?mode=crop&quality=70&rand=1&scale=both&w=362&h=226&version=8475373 "محەممەد ئەمین بۆزئەرسلان [لای راست] و نێچیرڤان بارزانی.")
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ