هەڵەیەک روویدا! دووبارە هەوڵبدە
رووداو دیجیتاڵ
وەزارەتی پێشمەرگە رایگەیاند، فیرقەی چواری پیادە ئۆپەراسیۆنێکی کێوماڵکردنی لە میحوەری قەرەتەپە ئەنجامداوە و "چەند مۆڵگەیەکی داعش خاپوور کران."
رۆژی شەممە، 12ـی نیسانی 2025، وەزارەتی پێشمەرگە بڵاویکردەوە، کاژێر 05:00ـی بەیانی بە سەرپەرشتیی لیوا مەردان چاوشین، لێپرسراوی میحوەری قەرەتەپە، لیوا روکن زاتیار حەسەن، فەرماندەی فیرقەی چواری پیادە و لەژێر چاودێریی هێزەکانی هاوپەیمانان، فیرقەی چواری پیادە لە سنووری چالاکیی خۆی ئۆپەراسیۆنێکی کێوماڵکردنی کرد.
وەزارەتەکە دەڵێت، "لە ئۆپەراسیۆنەکەدا، کە لیواکانی 9، 22، 32ـی پیادە و هێزەکانی کۆماندۆ و بەشی ئۆپەراسیۆنی ئاسایشی ناوچەکە بەشداربوون، ناوچەکانی بەنداوی باوەشاسوار، گوندەکانی بەلکەی ژووروو، بەلکەی خواروو و سنووری گوندی قۆری چای، کە گومانی هەبوونی مۆڵگە و پاشماوەی تیرۆریستانی لێ دەکرا، کێوماڵ کران."
وەکو وەزارەتی پێشمەرگە دەڵێت، ئۆپەراسیۆنەکە کاژێر 10:30ـی بەیانی کۆتاییهات، "چەند مۆڵگە و پاشماوەی تیرۆریستان خاپوور کران."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ