رووداو دیجیتاڵ
لە سنووری ئیدارەی سەربەخۆی زاخۆ کچێکی گەنج بە دەستی براکەی کوژرا. پۆلیس دەڵێت تۆمەتبارەکەیان دەستگیرکردووە.
رووداوەکە کاژێر 10:00ـی بەیانیی ئەمڕۆ (یەکشەممە، 12ـی ئایاری 2024) لە ناحیەی دەرکار لە سنووری ئیدارەی سەربەخۆی زاخۆ لەنێو ماڵی کوژراو و تۆمەتباردا روویداوە.
رائید ئەحمەد رەمەزان، گوتەبێژی پۆلیسی زاخۆ بە تۆڕی میدیایی رووداوی گوت "تاوانەکە بە چەکی کڵاشینکۆف کراوە و لێکۆڵینەوەمان دەستپێکردووە."
تۆمەتبار و کوژراو تەمەنیان 18 ساڵی تێپەڕاندووە. رائید ئەحمەد گوتی "دەستبەجێ تۆمەتبار لەلایەن پۆلیسەوە دەستگیرکراوە."
(ب. م. ع.) تۆمەتباری کوشتنی (ک. م. ع.)ـی خوشیێکێتی و بەگوێرەی مادەی 405 بە بڕیاری داوەر دەستبەسەرکراوە.
تەرمی کچەکە رەوانەی دادپزیشکی زاخۆ کراوە و پەڕاوی لێکۆڵینەوەش بۆ رووداوەکە کراوەتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ