رووداو دیجیتاڵ
لە دەریاچەی دووکان لە سنووری پارێزگای سلێمانی، گەشتیارێک لەکاتی مەلەکردندا خنکا.
ئارام عەلی، گوتەبێژی بەرگریی شارستانیی سلێمانی ئەمڕۆ هەینی بە رووداوی گوت، کاژێر 04:17ی ئێوارە لە رووداوەکە ئاگادار کراونەتەوە و دوای 15 خولەک تیمەکانیان تەرمەکەیان دەرهێناوە.
ئەو کەسەی گیانی لەدەستداوە، گەنجێکی تەمەن 26 ساڵە. ئارام عەلی گوتی، عەرەبە و بۆ گەشت هاتووەتە هەرێمی کوردستان.
بەگوێرەی ئامارێکی فەرمی حکومەتی هەرێمی کوردستان، لە سەرەتای ئەم ساڵەوە تاوەکو 20ـی ئایار، هەزار و 292 رووداوی ئاگرکەوتنەوە و خنکان و هەڵدێران روویانداوە و بەهۆیانەوە 61 کەس گیانیان لەدەستداوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ