هەڵەیەک روویدا! دووبارە هەوڵبدە
رووداو دیجیتاڵ
د. جەرجیس حەسەن خەنسی، ئەندامی پێشووی کۆمیتەی ناوەندی پارتی و وەزیری پەروەردە لە کابینەی سێیەمی حکومەتی ھەرێمی کوردستان، ئەمڕۆ لە ئەنقەرە کۆچی دواییکرد.
پەژان خەنسی، برازای د. جەرجیس، بە تۆڕی میدیایی رووداوی راگەیاند، "ماوەی چەند ساڵێکە د. جەرجیس تووشی نەخۆشییەکی کوشندە ببوو، چارەسەری وەردەگرت. دوانیوەڕۆی ئەمڕۆ لە شاری ئەنقەرەی تورکیا کۆچی دواییکرد."
د. جەرجیس حەسەن عەبدوڵڵا، ساڵی 1945 لە گوندی خەنسی سەر بە قەزای شێخان لەدایکبووە، ساڵی 1979 بە ئەندامی کۆمیتەی ناوەندی پارتی ھەڵبژێردراوە و لە ساڵانی ھەشتاکاندا بەرپرسیاریێتیی لقی یەکی پارتی وەرگرتووە، رۆڵی گرنگی لە شۆڕشی گوڵان دا بینیوە.
دوای راپەرین و دامەزراندنی حکومەتی ھەرێمی کوردستان، لە کابینەی سێیەم پۆستی وەزیری پەروەردەی پێ سپێردراوە.
دوانیوەڕۆی ئەمڕۆ لە شاری ئەنقەرەی پایتەختی تورکیا کۆچی دواییکرد.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ