رووداو دیجیتاڵ
بەرەبەیانی ئەمڕۆ کەسێک لە ناحیەی خورماڵی سەر بە پارێزگای هەڵەبجە کوژرا. دوای کەمتر لە کاژێرێک لە رووداوەکە، ئاسایش بکوژەکەی دەستگیرکرد.
دوای رووداوەکە، تۆمەتبار بۆ شوێنێکی نادیار هەڵات و دوای کەمتر لە کاژێرێک، ئاسایشی شارەزوور دەستگیرکردنی بکوژەکەی راگەیاند.
بەگوێرەی راگەیێندراوی دەزگای ئاسایشی هەرێمی کوردستان، تۆمەتبار لەکاتی لێکۆڵینەوەدا دانی بە تاوانەکەیدا ناوە و بەپێی مادەی (406) لە یاسای سزادانی عێراقی، راگیراوە و لێکۆڵینەوەکان لەبارەی رووداوەکەوە بەردەوامن.
دەقی راگەیێندراوی دەزگای ئاسایش:
بەرەبەیانی رۆژی 14-09-2025، لە ناحیەی خورماڵی پارێزگای هەڵەبجە گەنجێک دەکوژرێت و دوای رووداوەکە تۆمەتبار هەڵدێت.
بەڕێوەبەرایەتیی ئاسایشی شارەزوور، دەستبەجێ لەسەر ئەم رووداوە لێکۆڵینەوە و بەدواداچوونی ئەنجامدا، دوای کۆکردنەوەی زانیاریی ورد، لەماوەی کەمتر لە کاتژمێرێکدا توانرا تۆمەتبار دەستنیشان بکرێت و بە فەرمانی دادوەری لێکۆڵینەوەی ئاسایش دەستگیربکرێت و لەکاتی لێکۆڵینەوە تۆمەتبار دانی بەتاوانەکەیدا ناوە.
لەئێستادا تۆمەتبار بەپێی مادەی (406) لە یاسای سزادان راگیراوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ