هەڵەیەک روویدا! دووبارە هەوڵبدە
رووداو دیجیتاڵ
بەڕێوەبەری گشتیی کشتوکاڵی دهۆک دەڵێ، سبەی فێستیڤاڵی پەتاتە لە پارێزگای دهۆک دەستپێدەکات و 3 رۆژ بەردەوام دەبێ.
رۆژی یەکشەممە، 14ی کانوونی یەکەمی 2025، ئەحمەد جەمیل، بەڕێوەبەری گشتیی کشتوکاڵی دهۆک بە تۆڕی میدیایی رووداوی راگەیاند، سبەی بە ئامادەبوونی پارێزگاری دهۆک و کۆنسووڵخانەی هۆڵەندا، یەکەمین فێستیڤاڵی پەتاتە دەست پێدەکات.
50 کەپر بۆ نمایشکردنی بەرهەمەکان ئامادەکراون. بەڕێوەبەری گشتیی کشتوکاڵی دهۆک گوتی: "زیاتر لە 10 جووتیار، 15 کۆمپانیا و چەندین رێستۆرانت لە فێستیڤاڵەکەدا بەشدار دەبن".
فێستیڤاڵەکە بە مەبەستی ساخکردنەوەی پەتاتەی پارێزگای دهۆکە. ئەحمەد جەمیل گوتی: "تەنیا ئەم ساڵ 588 هەزار تۆن پەتاتەمان بەرهەم هێناوە. 86 هەزار تۆنی بۆ خواروو و ناوەڕاستی عێراق نێردراوە."
بە گوتەی ئەحمەد جەمیل، "هەر لە فێستیڤاڵەکەدا بەرهەمە خۆماڵییەکانی دیکەی ناوچەکەش نمایش دەکرێن؛ هەروەها بڕگەی زانستی لە رێگەی کۆلێژەکانەوە دەبێت و کەرتی تایبەتیش بەشدار دەبن."
فێستیڤاڵەکە کاژێر 11:00ـی سبەی دووشەممە لە پارکی دهۆک مۆڵ دەست پێدەکات.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ