شێخ باز: قەڵای هەولێر دەبێتە ناوەندێکی رۆشنبیریی جیهانی

 

 

رێوڕەسمی واژۆکردنەکە رۆژی سێشەممە 14-10-2025 لە پاریسی پایتەختی فەرەنسا بەڕێوەچوو و شێخ باز قسەی بۆ ئاڵا شاڵی، نێردراوی تۆڕی میدیایی رووداو کرد.

 

شێخ باز بەرزنجی بڕی 10 ملیۆن دۆلاری بۆ پڕۆژەی نۆژەنکردنەوەی قەڵای هەولێر تەرخان کردووە.

 

بەگوێرەی رێککەوتنەکە، کاری نۆژەنکردنەوەی قەڵای هەولێر بە شێوەیەکی پیشەییانە جێبەجێدەکرێ؛ هەروەها یونسکۆ لە هەرێمی کوردستاندا خولی تایبەت بە (پاراستنی شوێنەوار) و (نۆژەنکردنەوەی شوێنەوارە دێرینەکان) بۆ خوێندکارانی بەشی گەشتیاری دەکاتەوە.

 

شێخ باز بەرزنجی لەبارەی گرێبەستەکە بە رووداوی گوت: "بەڕاستی ئەمڕۆ رۆژێکی مێژوویی بوو. ئەو گرێبەستەش کە واژۆکرا مێژووییە و بنەمایەکە بۆ ئەوەی قەڵای هەولێر ببێتە ناوەندێکی رۆشنبیری، ناوەندێکی توێژینەوە، هەروەها ببێتە ناوەندێکی کولتووری کە تێیدا خەڵک ئاشنایەتی لەگەڵ مێژوو و شارستانیی هەولێر و قەڵاکەی دروست بکات". 

 

 

 

شێخ باز بەرزنجی: بەڕاستی ئەمڕۆ رۆژێکی مێژوویی بوو. ئەو گرێبەستەش کە واژۆکرا مێژووییە و بنەمایەکە بۆ ئەوەی قەڵای هەولێر ببێتە ناوەندیکی رۆشنبیری، ناوەندیکی توێژینەوە، هەروەها ببێتە ناوەندێکی کولتووری کە تێیدا خەڵک ئاشنایەتی لەگەڵ مێژوو و شارستانیی هەولێر و قەڵاکەی دروست بکات، لەبەر ئەوەی قەڵای هەولێر لە هەموو چاخە مێژووییەکان، لە هەموو نووسراوەکانی پێشوو، بە شێوەیەک هەر باس کراوە. ساڵەهایە ئەو قەڵایە لە مێژوودا هەیە. ئینجا بۆ ئەوەی ئەم مێژووە نوێ بکەیتەوە و خەڵک باوەڕ بەو راستیانە بکات، پێویستە یونسکۆ ببێتە چەترێک بۆ ئەم نۆژەنکردنەوەیە. بۆیە ئەم گرێبەستەمان کرد. 

 

 

شێخ باز بەرزنجی: هەروەک باسمان کرد، ببێتە ناوەندێک کە خەڵکی هەموو جیهان باوەڕ بە مێژووەی قەڵای هەولێر بکات، هەروەها ببێتە ناوەندێک بۆ توێژینەوە و گەشتیاری بۆ خەڵکی کوردستان.

 

 

شێخ باز بەرزنجی: بێگومان بە قۆناخ رۆیشتووە. بەڵام ئەوکاتەی لە یونسکۆ تۆمارکرا کە یەکێک لە ناوەندە شارستانییە جیهانییەکانە، گرنگییەکی زۆر تایبەتی پێدرا. قۆناخی پێش ئێستا، بازاڕی هاوبەشی ئەورووپی بۆ چوار ساڵ پشتیوانیی بەرنامەکەیان کرد. پێشتریش حکومەتی هەرێمی کوردستان لە سەر بودجەی خۆی خەرجییەکانی دەگرتە ئەستۆ. بەڵام ئێستا ئەمە دەرفەتێکی باش بوو. بێگومان بەرنامەی بازاڕی هاوبەشی ئەورووپا ساڵی 2024 وەستا. ئێمە لە ئێستاوە بۆ چوار ساڵی داهاتوو، پشتیوان بەخوا پشتیوانیی ئەم بەرنامەیە دەکەین. 

 

 

شێخ باز بەرزنجی: زۆر شوێن هەیە گەشتیاری و مێژووییە، ئەگەر یونسکۆ دانی پێدا نەنێ کە ئەو شوێنە مێژوویی و کولتوورییە، ئەو راستیە پێشانی هەموو جیهان و خەڵک نادات. ئینجا بۆیە دوای ئەوەی یونسکۆ دانی بەوەدا نا کە ئەم شوێنە مێژوویی و کولتوورییە، هەر کەسێک سەردانی ئەو شوێنە بکات، دڵنیا دەبێتەوە کە مێژووەکەی راستە. واتە پشتڕاستکردنەوە و راستی بەو شوێنە دەدات.

 

 

شێخ باز بەرزنجی: قەڵای هەولێر خۆی شوێنێکی تایبەتە، ئەوەی دێتە نێو هەولێر و قەڵا لە بەرامبەر خۆیدا دەبینێت، شتێکی زۆر ناوازەیە. بەدڵنیایەوە دوای ئەوە بەرنامەیەش هاوبەشیمان لەگەڵ یونسکۆ، گۆڕانکارییەکی زۆری تێدا روودەدات. 

 

 

شێخ باز بەرزنجی: هەموومان، ئەوەی خەڵکی هەولێر بێ، یادەوەریی لەگەڵ هەیە.