هەڵەیەک روویدا! دووبارە هەوڵبدە
رووداو دیجیتاڵ
لیژنەیەکی نیشتمانی بۆ وەڵامدانەوەی قەیران و کارەسات لە عێراق سەردانی قەزای چەمچەماڵی کردووە و راپۆرتێک بۆ قەرەبووکردنەوەی زیانلێکەوتووانی لافاوەکەی 9ی کانوونی یەکەم ئامادە دەکات.
فەریق روکن جەعفەر بەتات، سەرۆکی ناوەندیی نیشتمانی بۆ وەڵامدانەوەی قەیران و کارەسات لە وەزارەتی ناوخۆی عێراق بە تۆڕی میدیایی رووداوی گوت، "لیژنەیەکی تایبەت سەردانی قەزای چەمچەماڵی کردووە و راپۆرتێکی فراوان لەبارەی قەرەبووکردنەوەکە ئامادە دەکات و بۆمان دەنێرێت."
لە 10ی کانوونی یەکەمی 2025 فەریق روکن جەعفەر بەتات وەک نوێنەری محەممەد شیاع سوودانی، سەرۆکوەزیرانی عێراق بۆ بەدواداچوونی رووداوی دروستبوونی لافاو، سەردانی پارێزگای کەرکووکی کرد و لەوێوە سەرپەرشتیی بەدواداچوونی ئەو پرسە و قەرەبووکردنەوەی زیانلێکەوتووان و چارەسەری هۆکارەکانی دروستبوونی لافاوەکەی کرد.
فەریق روکن جەعفەر بەتات رایگەیاند، "لەدوای وەرگرتنی رەزامەندیی ئەنجوومەنی وەزیران، قەرەبووی زیانلێکەوتووانی لافاوەکە دەکرێتەوە."
رۆژی 9ی کانوونی یەکەمی 2025 لافاو قەزای چەمچەماڵ و چەند ناوچەیەکی ئیدارەی گەرمیانی گرتەوە.
محەممەد شیاع سوودانی لە 10ی کانوونی یەکەم بڕیاری دا کە بارەگایەکی پێشکەوتوو لەڕێگەی ناوەندی کارگێڕیی قەیران و کارەسات لە نێوان هەردوو پارێزگای کەرکووک و سەلاحەدین بکرێتەوە بۆ مامەڵەکردن لەگەڵ ئەو لافاوەی سنوورەکەی گرتووەتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ