رووداو دیجیتاڵ
ئالپئارسلان بایراکتار، وەزیری وزە و سەرچاوە سرووشتییەکانی تورکیا گەیشتە هەولێر و بڕیارە لەگەڵ بەرپرسانی باڵای هەرێمی کوردستان کۆببێتەوە.
وەزیری وزە و سەرچاوە سرووشتییەکانی تورکیا بە یاوەریی باڵیۆزی تورکیا لە عێراق و شاندێکی باڵا لە هەولێرە.
فەرمانگەی پەیوەندییەکانی دەرەوەی هەرێمی کوردستان دەڵێت، "ئێوارەی ئەمڕۆ یەکشەممە، ئالپئارسلان بایراکتار، وەزیری وزە و سەرچاوە سرووشتییەکانی تورکیا بە یاوەریی باڵیۆزی تورکیا لە عێراق و شاندێکی باڵا بە سەردانێکی فەرمی گەیشتە هەولێری پایتەخت، لە لایەن کەمال محەممەد، وەزیری کارەبا و سامانە سرووشتییەکان بە وەکالەت و سەفین موحسین دزەیی، بەرپرسی پەیوەندییەکانی دەرەوەی حکومەت و هۆشەنگ ئەحمەد، بەڕێوەبەری کاروباری تورکیا لە فەرمانگە پێشوازیان لێکرا.
ئاڵپ ئارسلان بایراکتار، وەزیری وزە و سەرچاوە سرووشتییەکانی تورکیا بە سەرۆکایەتیی شاندێک گەیشتە هەولێر و لەلایەن کەمال محەممەد، وەزیری سامانە سرووشتییەکان بەوەکالەت و سەفین دزەیی، بەرپرسی پەیوەندییەکانی دەرەوەی حکومەتی هەرێمی کوردستانەوە پێشوازییان لێکرا pic.twitter.com/YbahEr1wPY
— Rudaw (@Rudawkurdish) March 16, 2025
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ