رووداو دیجیتاڵ
سەرۆکوەزیرانی هەرێمی کوردستان پیرۆزبایی سەری ساڵ لە میری کوردانی ئێزدی، ئەنجوومەنی رووحانیی ئێزدییان و هەموو کوردانی ئێزدی دەکات.
مەسرور بارزانی، سەرۆکوەزیرانی هەرێمی کوردستان پەیامەکەی ئاراستەی کوردانی ئێزدی لە هەرێمی کوردستان، عێراق و جیهان و "هەردوو برای بەڕێز" میر حازم تەحسین بەگ، میری کوردانی ئێزدی، بابەشێخ شێخ عەلی ئیلیاس و ئەنجوومەنی رووحانیی کوردانی ئێزدی کردووە و دەڵێت، "هیوادارم بە خۆشی و شادی ئەم جەژنە بەڕێبکەن".
ساڵانە لە پەرستگەی لالش رێوڕەسمی جەژنی سەری ساڵی کوردانی ئێزدی زیندوو دەکرێتەوە و هەزاران کەس لە کوردانی ئێزدی ئامادەی رێوڕەسمەکان دەبن و چالاکیی جۆراوجۆر دەکەن.
بەم بۆنەیەوە، مەسرور بارزانی دەڵێت، "دووپاتی دەکەینەوە حکومەتی هەرێمی کوردستان بەردەوام دەبێت لەسەر پشتیوانیکردن و پاراستنی ماف و تایبەتمەندیی کوردانی ئێزدی و هەموو پێکهاتەکانی دیکەی کوردستان".
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ