هەڵەیەک روویدا! دووبارە هەوڵبدە
رووداو دیجیتاڵ
بڕیارە هەفتەی داهاتوو شاندێکی وەزارەتی پێشمەرگە سەردانی بەغدا بکەن و لەگەڵ وەزارەتی بەرگریی عێراق کۆببنەوە، سەرچاوەیەکیش لە ئۆپەراسیۆنە هاوبەشەکانی عێراق بە رووداوی راگەیاند، لەو کۆبوونەوەیەدا رۆژی دەستبەکاربوونی لیوای 20 دیاری دەکرێت.
بەپێی زانیارییەکانی رووداو، هەفتەی داهاتوو کۆنفرانسێک رێکدەخرێت و تێیدا شێوازی دەوام، جلوبەرگ، دابینکردنی چەک و پێداویستیی سەربازی و دانانی ئاڵای سەرشان بۆ لیوای 20 دیاری دەکرێت.
لیوای 20ـی هاوبەش بۆ پڕکردنەوەی ئەو بۆشاییە ئەمنییەیە کە لە دوای مانگی ئۆکتۆبەری 2017ـەوە لەنێوان پێشمەرگە و هێزە عێراقییەکان دروستبووە، لە یاسای بودجەدا ئەو بابەتە جێگیرکراوە و ژمارەیان زیاتر لە سێ هەزار و 700 پێشمەرگەیە.
سەرچاوەکەی رووداو ئاماژەی بەوەشکرد، راهێنانی لیوای 20ـی هاوبەش لە بنکەی مەشقی کەرەکوش لە دیالە دەبێت، لیواکان تێکەڵ ناکرێن و تەنیا بارەگای لیواکە هاوبەش دەبێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ