شیلان و هاوژینەکەی.
رووداو دیجیتاڵ
شیلان ئیسماعیل، ئەو ژنەی لە زاخۆ بەهۆی پێدانی "خوێنی هەڵە" بێهۆش بوو، گیانی لەدەستدا.
شیلان ئیسماعیل تەمەنی 38 ساڵ و دایکی شەش منداڵ بوو، رۆژی 01-05-2025 بەمەبەستی لەدایکبوونی حەوتەمین منداڵی، رەوانەی نەخۆشخانەی ژنان و منداڵانی زاخۆ کرا. کەسوکارەکەی ئەو کاتە لە بەرنامەی بەرپرسیاری تۆڕی میدیایی رووداو گوتیان، بەهۆی پێدانی "خوێنی هەڵە"وە بێهۆش بوو.
ئەمڕۆ شەممە، 17-05-2025، دوای 17 رۆژ بێهۆش بوون، شیلان کۆچی دوایی کرد.
لە زانستی پزیشکیدا، وەرگرتنی خوێنی نەگونجاو دەبێتە هۆی تێکشکانی خڕۆکە سوورەکانی خوێن، بە رێژەی جیاواز کاریگەریی لەسەر گورچیلەکان و گوشاری خوێن دروست دەکات. تاوەکو دەگاتە حاڵەتی سەرئێشە، بێهێزی و بێهۆشی."
بەڕێوەبەرایەتیی تەندروستیی زاخۆ دوای رووداوەکە رایگەیاند، لیژنەیەک بۆ بەدواداچوونی ئەو کەیسە پێکهێندراوە، کە لە 5 پزیشک پێکدێت. هەموو ئەو کارمەندانەی شەوی یەکی ئایار لە ئەرکدا بوون، لەژێر لێکۆڵینەوەدان؛ لایەنی کەمتەرخەم سزا دەدرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ