رووداو دیجیتاڵ
رووداوێکی هاتووچۆ لە پارێزگای جۆلەمێرگی باکووری کوردستان روویدا و ئۆتۆمبێلێکی جۆری پیکاپ لە بەرزایی نزیکەی 150 مەترەوە کەوتە نێو ئاوی زێ و لە ئەنجامدا دوو کەس گیانیان لەدەستدا و دوو کەسی دیکەش برینداربوون.
رووداوەکە لە ناوچەی سەرەسۆلان لە بەرزاییەکانی گەڤەر لە پارێزگای جۆلەمێرگ روویدا. شۆفێری ئۆتۆمبێلێکی جۆری پیکاپ کۆنترۆڵی ئۆتۆمبێلەکەی لەدەستدا و بەو جۆرەش ئۆتۆمبێلەکە لە بەرزایی نزیکەی 150 مەترەوە کەوتە نێو ئاوی زێ.
دوای ئاگادارکردنەوە، تیمەکانی ئافاد، تیمی گەڕان و رزگارکردنی هێزەکانی جەندرمە، فریاکەوتن و پۆلیس چوونە شوێنەکە و دوو کەسیان بە برینداری رزگارکرد و هەردووکیان بۆ نەخۆشخانە گوێزرانەوە.
دواتر ئۆتۆمبێلەکە لەنێو ئاوەکە برایە دەرەوە و 2 کەس بە ناوەکانی ماجد دایان و سدقی دایان لەنێو ئۆتۆمبێلەکە دەرهێنران کە هەردووکیان مردبوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ