رووداو دیجیتاڵ
کۆبوونەوەی پەیەدە و ئەنەکەسە لە حەسەکە کۆتاییهات. سەرچاوەیەکی ئاگادار لە کۆبوونەوەکە بە رووداوی گوت، "ئەرێنی بوو".
ئەو سەرچاوەیە بە رووداوی راگەیاند، کۆبوونەوەکە بە ئامادەبوونی مەزڵووم عەبدی کۆتاییھات و لە ماوەی چەند رۆژی داهاتوودا رێککەوتنی کوردی رادەگەیێندرێت.
ئەمڕۆ بۆ یەکەم جار کۆبوونەوەی پارتی یەکێتیی دیموکرات- پەیەدە و ئەنجوومەنی نیشتمانیی کورد لە سووریا- ئەنەکەسە لە حەسەکەی رۆژئاوای کوردستان بەڕێوەچوو.
پەیەدە و ئەنەکەسە دوو لە جەماوەریترین حیزبی رۆژئاوای کوردستانن.
پەیەدە باڵی سەربازیی یەکینەکانی پاراستنی گەل- یەپەگەی هەیە و پێکهێنێکی سەرەکیی نێو هێزەکانی هەسەدەن کە دەوروبەری 14 ساڵە ئاسایشی رۆژئاوای کوردستانی لەژێر دەستدایە.
چاوەڕێ دەکرێت پاش ئەم کۆبوونەوەیە، کورد لە رۆژئاوای کوردستان و سووریا زیاتر بەرەو یەک گوتاری و نزیکبوونەوە لە یەکدی بچن، تاوەکو هەڵوێستی کورد بەرامبەر دیمەشق یەکگرتوو بێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ