ئیناس، ئەو منداڵەی پێویستی بە چاندنی دڵە و خەڵکی دهۆکە.
رووداو دیجیتاڵ
ئیناس، کچێکی تەمەن 11 ساڵانە و خەڵکی دهۆکە؛ بەهۆی فراوانبوونی ماسوولکەکانی دڵیەوە، ژیانی لە مەترسیدایە. پزیشکەکەی دەڵێت، مانەوەی لە ژیاندا "پەرجووە" و تاکە چارەسەری، چاندنی دڵە.
دایکی ئیناس، بە گریانەوە داوای هاوکاری دەکات و دەڵێت، "کچەکەم لە تەمەنی 8 مانگییەوە نەخۆشە. بڕیاربوو ئەم ساڵ بچێتە قوتابخانە، جل و پێداویستیم بۆ کڕی، بەڵام نەیتوانی بچێت. ماوەی 4 مانگە لە نەخۆشخانەیە".
نەخۆشییەکە ئیناسی لە هاوڕێ و قوتابخانە دابڕیوە. ئەو دەڵێت، "ئازارم زۆرە، شەو تا بەیانی خەوم نییە و زۆر پێویستیم بە هاوکارییە".
ئیناس بە هەنسکەوە داوایەک لە خێرخوازان و بەرپرسان دەکات و دەڵێت، "لەم عەزابە دەرمبهێنن".
خێزانەکەی ئیناس لە گەڕەکی شندوخای دهۆک دەژین و باری داراییان خراپە. باوکی کە پۆلیسە، دەڵێت، هەموو ماڵ و موڵکی خۆی لە چارەسەریی کچەکەیدا خەرج کردووە و چیتر توانای نییە.
دکتۆر سەردار غازی، پسپۆڕی نەخۆشییەکانی منداڵان، لە بەرپرسیار، گوتی: " گورچیلەکانی ئیناس لاواز بوون و ئاو دەچێتەوە ناو دڵی، ئەمەش کاریگەریی لەسەر هەموو جەستەی داناوە.
دکتۆر سەردار دەڵێت: "چارەسەری کاتی بە 6 جۆر حەب هیچ سوودێکی نەماوە و تەنیا چارەسەر چاندنی دڵە، کە لە عێراق ناکرێت و لە دەرەوەش تێچووی زۆرە".
ئیدیتۆر: بۆ هاوکاریی ئەو منداڵە، پەیوەندی بە باوکییەوە بکەن:
07504907424
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ