هەڵەیەک روویدا! دووبارە هەوڵبدە
هەولێر دیجیتاڵ
رووداوێکی هاتووچۆ لەڕێگەی نێوان قەزای بەردەڕەش و ناحیەی دارەتوو روویدا و سێ کەس بریندار بوون. گوتەبێژی تەندروستیی ئاکرێ دەڵێت، "کەسێکیش گیانی لەدەست داوە."
ئەمڕۆ یەکشەممە، 19ـی کانوونی دووەمی 2025، نێچیرڤان هەرکی، گوتەبێژی تەندروستیی ئاکرێ بە رووداوی گوت: رووداوەکە کاژێر 13:30 خولەک لە رێگەی نێوان قەزای بەردەڕەش و ناحیەی دارەتوو، لە چوارڕیانی گوندی کەونەباک روویداوە."
گوتەبێژی تەندروستیی ئاکرێ روونیکردەوە، "قوربانییەکان خەڵکی سنوورەکەن. دوو ئۆتۆمێبلی تایبەتیان پێبووە کە پیکابێک و ئۆپترایەک بووە؛ خۆیان پێکداداوە. لە ئەنجامدا، کەسێک گیانی لەدەستدا و سێ کەسیش بریندارن."
نێچیرڤان هەرکی روونیکردەوە، "شۆفێر و سەرنشینەکان خەڵکی سەنتەری بەردەڕەشن؛ بریندارەکان لە نەخۆشخانەی فریاکەوتن چارەسەر وەردەگرن."
لەبارەی ئەو کەسەی لە رووداوەکەدا گیانی لەدەستداوە، نێچیرڤان هەرکی گوتی، "پیاوێکی تەمەن 54 ساڵ و خەڵکی بەردەڕەش بوو. تەرمەکەی رادەستی کەسوکاری کراوەتەوە."
تاوەکو ئەمڕۆ پۆلیسی هاتووچۆی هەرێمی کوردستان ئاماری رووداوەکانی هاتووچۆی لە ساڵانی 2023 و 2024ـی بڵاونەکردووەتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ