هەڵەیەک روویدا! دووبارە هەوڵبدە
رووداو دیجیتاڵ
لە گوندێکی سنووری ناحیەی باشیک لە پارێزگای نەینەوا دوو برا دەبێتە دەماقاڵێیان و یەکێکیان بە چەقۆ ئەوی دیکە دەکوژێت.
شەڕەکە شەوی 19-05-2024، لە گوندی سێکانیی بچووک روویداوە. ئەو گوندە کوردنشینە و نزیکە لە قەزای بەردەڕەشی پارێزگای دهۆک.
نەشوان بەرزنجی، گوتەبێژی تەندروستیی بەردەڕەش بە رووداوی گوت، کوژراوەکە ناوی محەممەد عەبدوڵڵا رەشیدە و تەمەنی 27 ساڵ بوو.
گوتەبێژەکەی تەندروستیی بەردەڕەش دەڵێت، بکوژ بە برینداری گەیێندراوەتە بنکەی فریاکەوتن، چارەسەری سەرەتایی بۆ کراوە و رەوانەی نەخۆشخانەی فریاکەوتنی ئاکرێ کراوە.
نێچیرڤان هەرکی، گوتەبێژی تەندروستیی ئاکرێ بە رووداوی گوت، بریندارەکەیش چارەسەری پێویستی بۆ کراوە.
تەرمی کوژراوەکە رەوانەی پزیشکی دادی دهۆک کراوە. بە گوێرەی زانیارییەکانی رووداو، شەڕەکە لەسەر کێشەیەکی کۆمەڵایەتی بووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ