هەڵەیەک روویدا! دووبارە هەوڵبدە
رووداو دیجیتاڵ
سبەی یەکشەممە دەنگدانی گشتی بۆ هەڵبژاردنی خولی شەشەمی پەرلەمانی کوردستان بەڕێوەدەچێت. پارێزگای هەولێر دەڵێت، کارمەند و کرێکارانی کەرتى تایبەت 2 کاژێر مۆڵەتیان هەیە بڕۆن دەنگ بدەن.
ئەمڕۆ شەممە، 19ی تشرینی یەکەمی 2024، پارێزگای هەولێر لە راگەیندراوێکدا بڵاویکردەوە: "خاوەن کار و کۆمپانیاکانى کەرتى تایبەتى سنوورى پارێزگاى هەولێر ئاگادار دەکەینەوە کە سبەى 2024.10.20 لەماوەى دیاریکراوى بەڕێوەچوونى پرۆسەى دەنگدانى گشتیى ماوەى 2 کاتژمێر مۆڵەت بدەن بە کارمەند و کرێکاران تاوەکو لەو مافەى خۆیان بێبەشن نەبن و بەشداربن لەو پڕۆسە دیموکراسییە و دەنگ بدەن."
سەرچاوەیەک لە پارێزگای هەولێر ئەمڕۆ شەممە بە تۆڕی میدیایی رووداوی راگەیاند: "سەرجەم رێگەکانی سنوورى پارێزگاى هەولێر کراوە دەبن و هاتووچۆى هاووڵاتییانیش بە ئۆتۆمبێل لەنێوان شار و شارۆچکەکان ئاساییە و رێگە پێدراوە".
پارێزگای هەولێر دەڵێت: "ئاگاداری سەرجەم کارمەند و کرێکارانی کۆمپانیاکان دەکەینەوە هەر خاوەن کار و کۆمپانیاییەک رێگەی پێنەدان کە بڕۆن دەنگبدەن، پەیوەندی بەم ژمارە تەلەفۆنەوە بکەن (07504630101).
دوێنێ 18ی تشرینی یەکەمی 2024، دەنگدانی تایبەت بۆ هەڵبژاردنی پەرلەمانی کوردستان بەڕێوەچوو.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ