رووداو دیجیتاڵ
لە پەیامێکدا بەبۆنەی 55ـەین ساڵیادی دامەزراندنی یەکێتیی زانایانی ئایینیی ئیسلامیی کوردستان سەرۆکی حکومەتی هەرێمی کوردستان، وێڕای پیرۆزبایی، ستایشی رۆڵی گرنگی زانایانی ئایینیی کرد لە چەسپاندنی میانڕەوی و کولتووری پێکەوەژیاندا.
مەسرور بارزانی، سەرۆکی حکومەتی هەرێمی کوردستان لە پەیامەکەیدا کە ئەمڕۆ 21ی ئەیلوولی 2025 ئاراستەی سەرۆک و ئەندامانی مەکتەبی جێبەجێکردن و سەرجەم زانایانی کردووە، رایگەیاند، "بە رێز و پێزانینەوە لە رۆڵی گرنگی یەکێتیی زانایانی ئایینیی ئیسلامیی کوردستان و زانایانی ئایینی بەگشتی دەڕوانین."
سەرۆکی حکومەت جەختی لەسەر رۆڵی یەکێتییەکە کردەوە لە "قووڵکردنەوەی بنەما و بەها بەرز و مرۆییەکانی ئایینی ئیسلام و بەرەنگاربوونەوەی هزری تووندڕۆیی." هەروەها ئاماژەی بە هەوڵەکانیان کرد بۆ "بەهێزترکردنی میانڕەوی و کولتووری بەیەکەوەژیانی ئاشتییانەی نێوان پێکهاتە جیاوازەکانی کوردستان."
یەکێتیی زانایانی ئایینی ئیسلامیی کوردستان لە ساڵی 1970 دامەزراوە و بە یەکێک لە رێکخراوە ئایینییە کاریگەرەکانی هەرێمی کوردستان دادەنرێت، کە کار لەسەر رێنوێنیی ئایینی و پتەوکردنی بنەما کۆمەڵایەتییەکان دەکات.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ