رووداو دیجیتاڵ
ئاوارە مەلا فایەق، بەڕێوەبەری کارگێڕی نەخۆشخانەی شەهید مەلا ئەحمەد لە باوەنوور بە تۆڕی میدیایی رووداوی راگەیاند، "ئۆتۆمبێلێکی جۆری تۆیۆتا کراون لەسەر رێگەی نێوان دەربەندیخان - کەلار لەنزیک باوەنوور، خۆی بە ستوونی پردێکی پەڕینەوەدا کێشاوە و راستەوخۆ ئۆتۆمبێلەکە گڕی گرتووە."
بەڕێوەبەری کارگێڕیی نەخۆشخانەکە گوتیشی، "بەهۆی رووداوەکە، سێ کەس گیانیان لەدەستدا و کەسێکی دیکەش بە سەختی بریندار بووە."
ئەو سێ گەنجەی گیانیان لەدەستداوە ناویان میران ساڵح، شەهیاد هیوا و یوسف ئەکرەمە.
ئاوارە مەلا فایەق ئاماژەی بەوەش کرد، "یەکێک لەوانەی گیانیان لەدەستداوە، بە تەواوی جەستەی سووتابوو، دووانەکەی دیکە ئاسەواری سووتانیان پێوە نەبوو، پێدەچێت پێش سووتانی ئۆتۆمبێلەکە کەوتبنە خوارەوە و بەهۆی بەهێزیی پێکدادان لەگەڵ ستوونەکە گیانیان لەدەستدابێت."
بە گوتەی بەڕێوەبەری کارگێڕیی ئەو نەخۆشخانەیە، تەرمەکان رەوانەی دادپزیشکی سلێمانی کراون و بریندارەکەش نێردراوەتە نەخۆشخانەی شەهید هەژار لە کەلار.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ