رووداو دیجیتاڵ
مامۆستا کاوە شەفیع تاهیر لە دەڤەری راپەڕین دەڵێت، بەهۆی ئامادەبوونی لە خۆپێشاندانی مامۆستایانی ناڕازی لە گوتاردان دوورخراوەتەوە و ئەوقافیش رەتیدەکاتەوە.
ئەو مامۆستایە لە مزگەوتی حاجی ئەرسەلانی بنگرد لە قەزای حاجیاوا گوتاری دەدا، بەگوتەی خۆی نزیکەی هەفتەیەکە دوورخراوەتەوە.
ئەمڕۆ هەینی، مامۆستا کاوە بە رووداوی گوت، "بەهۆی هەڵوێستەکانم و ئامادەبوونم لە خۆپێشاندانەکانی مامۆستایانی ناڕازی لە رانیە لە گوتاردان دوورخرامەوە".
ئەوقافی راپەڕین قسەکانی ئەو مامۆستایە رەتدەکاتەوە و دەڵێت، خۆی مۆڵەتی وەرگرتووە.
دکتۆر ئیبراهیم عەبدولباقی، بەڕێوەبەری ئەوقافی راپەڕین بە رووداوی گوت، "ئەو مامۆستایە لە مۆڵەتدایە و بە مەبەستی تەواوکردنی خوێندنی باڵا مۆڵەتی وەرگرتووە".
گوتیشی، "بەپێی رێنماییەکانی وەزارەت هەر مامۆستایەکی ئایینی مۆڵەت وەربگرێت، ناتوانێت لە گوتاردان بەردەوام بێت و دوای تەواوبوونی مۆڵەتەکەی دەگەڕێتەوە سەر کارەکەی".
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ