رووداو دیجیتاڵ
بەڕێوەبەرایەتیی نەهێشتنی مادە هۆشبەرەکان دەڵێت، لە رووبەڕووبوونەوەی دوو بازرگانی مادەی هۆشبەردا لە عەنکاوە، کارمەندێکیان "بە سەختی" بریندار بووە، هەروەها یەکێک لە بازرگانەکان کوژراوە و ئەوی دیکەیان دەستگیرکراوە.
بەڕێوەبەرایەتیی نەهێشتنی مادە هۆشبەرەکان باس لەوە دەکات، "کاژێر 6:15 خولەکی ئێوارەی 23-4-2024، تیمێکی سەر بە بەڕێوەبەرایەتییەکەمان بۆ جێبەجێکردنی فەرمانی دادوەر بەدواداچوونی بۆ دوو بازرگانی مادە هۆشبەرەکان کرد."
ئاماژەی بەوەش کردووە، "لە دەوروبەری عەنکاوە، داواکراوەکان رووی چەکەکانیان ئاراستەی هێزەکانی ئاسایش کرد و کارمەندێکی بەڕێوەبەرایەتییەکەمان بەسەختی بریندار بوو".
بەڕێوەبەرایەتیی نەهێشتنی مادە هۆشبەرەکان لە وەڵامی تەقەی بازرگانەکاندا، بەگوتەی خۆیان، دەستڕێژیان لێکردوون و یەکێکیان کوژراوە و ئەوی دیکەش بریندارکراوە.
ئاسایش دەڵێت، لێکۆڵینەوەکان بەردەوامن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ