رووداو دیجیتاڵ
کەشناسیی هەرێمی کوردستان رایگەیاند، سبەی لە ناوچە شاخاوییەکان باران دەبارێت. کەشناسێکیش دەڵێت، بارانەکە لاوازە و ناگاتە سەنتەری شارەکان.
لەبارەی کەشوهەوای ئەمڕۆ هەینی، کەشناسیی هەرێمی کوردستان رایگەیاند، خێرایی با چالاک دەبێت و پلەی گەرما بەراورد بە دوێنێ "کەمێک" بەرز دەبێتەوە.
کەشناسیی هەرێمی کوردستان ئاماژەی بە کەشی سبەی کردووە و رایگەیاندووە: "ئاسمان پەڵەهەور و نیمچەهەور دەبێت. هەروەها لە ناوچە شاخاوییەکانی باکووری رۆژهەڵاتی هەرێمی کوردستان ئەگەری باران و هەورە برووسکە هەیە".
محەممەد کەمال، پێشبینیکاری کەشوهەوا، ئەمڕۆ هەینی بە رووداوی گوت: "سبەی لە نیوەڕۆ بۆ ئێوارە ئەگەری تاوەباران و برووسکە لە ناوچە شاخاوییەکان هەیە و ئەگەرەکە زۆر لاوازە بگاتە سەنتەری شارەکان".
لە راگەیێندراوەکەدا کەشناسیی هەرێمی کوردستان دەڵێت، سبەی بەراورد بە ئەمڕۆ، پلەی گەرما یەک بۆ دوو پلەی سیلیزی بەرز دەبێتەوە و بەمشێوەیە دەبێت:
هەولێر: 38 پلەی سیلیزی
سلێمانی: 38 پلەی سیلیزی
دهۆک: 38 پلەی سیلیزی
کەرکووک: 41 پلەی سیلیزی
زاخۆ: 39 پلەی سیلیزی
هەڵەبجە: 40 پلەی سیلیزی
سۆران: 35 پلەی سیلیزی
حاجی ئۆمەران: 22 پلەی سیلیزی
گەرمیان: 44 پلەی سیلیزی
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ